Comparte este artículo
Digg
Del.icio.us
Googlize this
Facebook
Exportar a PDF
Imprimir
E-mail
O Teatro Principal acolle este domingo, 8 de xaneiro a actuación de Alabama Gospel Choir, a partir das 20.00 horas. Este espectáculo está incluído dentro da programación da Concellaría de Cultura elaborada para as festas de Nadal.
Alabama Gospel Choir está formado por 30 artistas que conseguen plasmar a historia do Gospel nun percorrido único ás raíces desta música que combina a parte máis visceral coa esencia máis espiritual. Trátase dun exclusivo grupo vocal de Alabama que conta con figuras como Francine Murphy, nomeada aos premios Grammy, que leva cantando desde os 3 anos e publicou varios álbums que marcaron un fito.
O gospel conta cada vez máis adeptos e estase convertendo nunha música tan do Nadal como os valses de Strauss. A razón radica no sentimento e o fervor, pois se trata dunha música potente e expresiva, na que o importante é o canto. O Alabama Gospel Choir é un exclusivo grupo vocal de Alabama. Esta formación está ligada historicamente ao coro Aeolians, unha institución fundada en 1896 e pertencente á Black Seven-Day Adventist, que promove o desenvolvemento armonioso do corpo, a mente e o espírito.
