Comparte este artículo
Digg
Del.icio.us
Googlize this
Facebook
Exportar a PDF
Imprimir
E-mail
O Ateneo de Pontevedra presenta este luns 28 de novembro a obra Guía de petróglifos de Galicia (Edicións do Cumio, 2011), escrito por Buenaventura Aparicio Casado (historiador e antropólogo) e Antonio de la Peña Santos (arqueólogo). No acto, que terá lugar este luns ás 20,00 horas, no Salón de Actos do edificio Café Moderno de Pontevedra (Centro de Maiores Novacaixagalicia), estarán xunto aos autores, Fernando Javier Costas Goberna (membro fundador do Instituto de Estudos Vigueses; especialista en Arte Rupestre), e Cándido Meixede Figueiras (Edicións do Cumio).
Sinopse da obra
Os petróglifos galegos constitúen un dos sinais identitarios con máis carga simbólica do país, chamados a se converter –en canto se promocionen axeitadamente- nun dos grandes atractivos culturais de Galicia.
Esta guía permite doadamente o achegamento á nosa arte rupestre, proporcionando toda a información necesaria para o coñecemento e disfrute dos xacementos máis senlleiros. A maiores, engádese o discurso ricaz e imaxinativo que a sociedade rural artellou arredor desta manifestación cultural.
Biografía de Buenaventura Aparicio (Peñafiel, Valladolid, 1946)
É doutor en Historia pola UNED. Foi profesor de Xeografía e Historia no IES “Chan do Monte” de Marín e profesor tutor na UNED de Pontevedra ata a súa xubilación. Membro e, posteriormente, presidente do Grupo de Arqueoloxía “Alfredo García Alén”, fundou e coordina na actualidade o Grupo de Investigación Arqueolóxica e Etnográfica “A Laxe da Irena”. Articulista e conferenciante, ten participado en numerosos congresos. É autor de 130 traballos.
Biografía de Antonio de la Peña
É arqueólogo. Traballa como Conservador de Fondos Arqueolóxicos do Museo Provincial de Pontevedra. Foi profesor da UNED e presidente do Grupo de Arqueoloxía “Alfredo García Alén”. Ten participado en máis dun centenar do congresos e dirixido numerosas campañas de escavacións arqueolóxicas. Localizou, catologou e levantou calcos de medio milleiro de complexos de arte rupestre. É autor de 22 libros e de numerosos artigos de tema arqueolóxico.
