Comparte este artículo
Digg
Del.icio.us
Googlize this
Facebook
Exportar a PDF
Imprimir
E-mail
Continúan desenvolvéndose con éxito as visitas e roteiros guiados organizados polo Concello de Tomiño co fin de recuperar o seu patrimonio histórico e poñelo en valor tanto entre os propios veciños tomiñeses como entre os visitantes.
Hoxe, día 13 de agosto, realizarase a segunda e última visita nocturna ao ecoparque arqueolóxico do Monte Tetón, donde poderase contemplar unha das maiores concentracións de petróglifos con círculos concéntricos de Europa.
A actividade, organizada pola Concellaría de Turismo, comezará ás 21.30 horas na Praza do Seixo de Tomiño, e consiste nunha explicación introductoria sobre os petroglifos e unha posterior visita noctura con lanternas ao xacemento do Monte Tetón. O arqueólogo Xosé Vilar do Instituto de Estudos Miñoranos será o encargado de dirixir estas visitas.
Por outra banda, o sábado 14 celebrarase unha excursión guiada en canoa polos arredores da fortaleza militar de Goián.
A alcaldesa de Tomiño, Sandra González, explica a dobre finalidade destas saídas. Por unha parte, a de posibilitar que moitos veciños e veciñas de Tomiño descubran e desfruten do seu propio patrimonio histórico, e por outra, a de aproveitar esta riqueza cultural e convertila nun producto turístico que sirva de atracción para visitantes e turistas”.
Para inscribirse nestas actividades ou obter máis informacións, podese visitar a web do Concello: www.concellotomino.com; chamar ao número de teléfono 986.622.001, ou consultar o blog: http://descubrindoasnosasfortalezas.blogspot.com
