Comparte este artículo
Digg
Del.icio.us
Googlize this
Facebook
Exportar a PDF
Imprimir
E-mail
A Concellaría de Normalización Lingüística do Concello de Pontevedra, en colaboración coa Asociación Galega da Lingua (AGAL), ofrece aos centros educativos a posibilidade de realizar os obradoiros OPS! O galego a nosa vantaxe. Os obxectivos fundamentais desta actividade son poñer en valor a lingua galega, facendo ver a súa potencialidade e contrarrestando os prexuízos que a infravaloran, e mostrar a vantaxe de falar galego para poder comunicarse co mundo da lusofonía: de Portugal ao Brasil.
De aquí ao Nadal preto de 300 estudantes de ESO e bacharelato participarán nestes obradoiros; aprenderán, ao longo de dúas horas lectivas, que o galego é unha entrada privilexiada para acceder ao portugués e que, polo tanto, sabendo falar galego teñen unha clara vantaxe competitiva.
Un dos obradoiros xa se realizou este luns no IES Sánchez Cantón, para 90 alumnos de 1º e 2º de Bacharelato.
Este xoves comezou no Torrente Ballester para 120 alumnos. e o venres, 2 de decembro, no mesmo instituto entre 10.25 e 12.05 horas; e o martes, 13 de decembro, de 10.25 a 12.05 horas.
