A compañía EME-2 representará este fin de semana no Auditorio de Novacaixagalicia de Pontevedra "O Florido Pénsil", un dos espectáculos máis aclamados e con maior afluencia de público no teatro español nos últimos 20 anos.

Protagonizada por Josito Porto, Federico Pérez, Antonio Durán “Morris”, Xosé Manuel Olveira “Pico” e Alfonso Agra, a obra conta substancialmente as vicisitudes dun grupo de rapaces sometidos á absurda e ilóxica brutalidade do sistema educativo que dominou a España da posguerra. Os seus protagonistas descóbrennos un fresco no que se sucederán os escenarios da acción: a escola, o cinema de barrio, a radio familiar, a igrexa e a prensa, representada aquí polo aparentemente inofensivo Tebeo.

O acto de presentación do evento terá lugar esta mañá ás 11 horas no Auditorio Novacaixagalicia de Pontevedra.

• 07/02/2012 10:32 - Poesía, teatro, música e fotografía, entre as categorías dos premios "Ben veñas maio 2012"
• 06/02/2012 11:03 - O traballo de Belas Artes convence aos espazos expositivos da cidade
• 06/02/2012 06:00 - O film "Crebinsky", protagonista da 2ª sesión das Master Classes Augal 2012 no campus de Pontevedra
• 05/02/2012 12:39 - O talento audiovisual do campus de Pontevedra sube de nivel
• 03/02/2012 04:52 - Un pontevedrés gana un viaje a Punta Cana gracias a un concurso de fotografía de Ron Barceló