Comparte este artículo
Digg
Del.icio.us
Googlize this
Facebook
Exportar a PDF
Imprimir
E-mail
O vindeiro xoves 16 de decembro desde as 18,30 horas até as 20,00horas, Benigno Campos, o célebre cociñeiro da TVG, visitará Cronopios Libros para asinar exemplares da nova entrega da cociña para larpeiros, que tan boa acollida está a ter entre os seus seguidores e público en xeral.
Como pasara coa primeira entrega, Cronopios ten a honra de poñer mesa e mantel para acoller a un dos fenómenos mediáticos da esfera galega que acadou cifras impensabeis para o sector editorial na nos aterra, superando os 50.000 exemplares vendidos.
O encantador cociñeiro, que ven de firmar en El Corte Inglés de A Coruña e Vigo, visita agora ós cronopios que se acheguen pola librería en Frei Xoán de Navarrete para compartir o seu saber e a súa bonhomía presentando as NOVAS RECEITAS DA COCIÑA DE LARPEIROS.
Quedades todas e todos convidados a degustar gastronomía en papel e boa compaña, na casa de cronopios, a vosa.
Próximas actividades en Cronopios:
Luns, 27 de decembro: encontro con Susana Fortes, deliciosa escritora pontevedresa autora de títulos como “El azar de Laura Ulloa”, “Quattrocento” ou o seu éxito máis recente, “Esperando a Robert Capa”, que será levado ó cine polo director norteamericano Michael Mann.
Luns, 3 de xaneiro: visita do famosísimo roedor Gerónimo Stilton, ídolo dos pequenos lectores e non tan pequenos, que visitará os nosos cronopios directamente desde Ratonia para asinar exemplares e comparti-las súas aventuras en directo, ¡Qué emoción!
Venres, 21 de xaneiro: encontro cunha das figuras actuais do panorama literario galego, o best seller Domingo Villar, autor de “Ollos de auga” e “A Praia dos afogados”, editado en galego por Galaxia e en castelán por Siruela.
