Comparte este artículo
Digg
Del.icio.us
Googlize this
Facebook
Exportar a PDF
Imprimir
E-mail
O Gran Premio Pedestre de Nadal, a tradicional Carreira do Pavo, disputarase este domingo na contorna da Alameda de Vigo co apoio da Concellería de Deportes e o patrocinio de El Corte Inglés, que dá nome ao premio. A proba, que espera non baixar dos 600 inscritos para todas as carreiras (haberá oito saídas segundo idades), definirá o circuíto de carreiras populares Cidade de Vigo, que bota o pano logo dunha terceira edición na que segue crecendo.
A do Pavo é a máis veterana de cantas probas en ruta existen en Vigo ao comezar en 1943. Ao longo da súa historia deixou de realizarse en varias oportunidades, a derradeira en 1999, e agora leva doce edicións seguidas e incorporou aos atletas populares.A carreira do Pavo, cuxa inscrición de balde está aberta ata o xoves, pon o punto final ao circuíto 2011, que este ano contou con sete probas; o domingo, a delegación viguesa da Federación Galega de Atletismo presentará o aliciente da ampliación do percorrido ao correr polas Avenidas. Cada volta será de 2.050 metros fronte aos 1.600 metros do ano anterior.
