Galicia vén de ser nominada como un dos seis mellores destinos emerxentes de Turismo de Golf no ámbito internacional, dentro do marco da feira International Golf Travel Market (IGTM), celebrada este ano en Turquía, e que congrega anualmente aos membros da Association of Golf Tour Operators (IAGTO), o colectivo máis importante do mundo no que atinxe á comercialización do Turismo de Golf.

Este recoñecemento outórgase pola Asociación Internacional de Escritores e Xornalistas de Viaxes de Golf, International Golf Travel Writers Association, a través dos votos de 159 xornalistas especializados de l33 países de todo o mundo. Xunto a Galicia, estaban nominadas Bulgaria, (gañadora da final), Islandia, o estado norteamericano de Mississipi, Colombia e India.

Os criterios de selección para a concesión deste premio baséanse na extensión do destino emerxente, as cualidades que fan deste un destino interesante para a práctica do golf, o atractivo da zona e os seus campos, a calidade e accesibilidade dos campos de golf, a calidade dos aloxamentos turísticos, a empatía dos seus profesionais, a relación calidade-prezo, a axilidade do xogo nos campos de golf e o clima rexional.

Plan de Acción do Turismo de Golf 2010-2013

A Consellería de Cultura e Turismo, a través de Turgalicia, da Secretaría Xeral para o Turismo desenvolve desde o ano pasado o Plan de Acción do Turismo de Golf 2010-2013 que inclúe varios programas de difusión e comercialización da oferta turística galega neste ámbito.

Así, este ano celebrouse, entre os meses de maio e setembro, o I Circuíto Sénior de Golf, organizado por Turgalicia, e que nesta primeira edición congregou a máis de 350 golfistas de toda España.

Doutra banda, tamén en setembro, a Consellería de Cultura e Turismo, por medio de Turgalicia, organizou unha viaxe de prospección do mercado galego para 30 operadores turísticos internacionais que puideron comprobar in situ as posibilidades da Comunidade galega para a práctica deste deporte tan vinculado á actividade turística.

• 03/12/2011 10:29 - Pontevedra acollerá en abril a Copa de España de Natación
• 03/12/2011 06:11 - El CW Galaico Pontevedra visita este domingo al Marina Ferrol
• 01/12/2011 09:41 - "Por la S.D. Teucro, ahora o nunca"
• 30/11/2011 08:37 - El Enmacosa Monte Porreiro continúa su racha negativa ante el Cai Santiago (1-5)
• 29/11/2011 08:25 - El CW Galaico Pontevedra logra pleno de victorias en Santiago