Comparte este artículo
Digg
Del.icio.us
Googlize this
Facebook
Exportar a PDF
Imprimir
E-mail
O concelleiro de Deportes subliñou que o deporte é sinal de calidade de vida e o triatlón é xa un símbolo da cidade de Pontevedra. Significou a relevancia que para a promoción da cidade está a ter esta modalidade deportiva e destacou que Pontevedra vai acoller a 332 participantes durante a xornada de domingo.
Álvaro Ogando destacou que despois de dúas edicións de triatlón cross optouse por volver á modalidade de estrada, porque ten máis tirón. Subliñou tamén que dos 332 participantes, un total de 83 corresponden a licenzas dun día.
A organización prevé catro saídas dende o pontón de piragüismo, a carón da ponte das tirantes:
A proba popular sairá ás 10 horas, cun percorrido de 300 metros a nado, 10 Km en bicicleta e dous Km de carreira a pé.
A feminina sairá unha hora despois coas mesmas distancias. Os federados da proba masculina A partirán a partir das 11.10 horas con 750 metros de natación, 20 Km en bicicleta e 5 Km de carreira.
Finalmente, as probas masculinas B, con tempos de corte partirán ás 12.30 horas. Calcúlase que o remate do evento deportivo será sobre as 13.40 horas.
O circuíto para bicicleta e carreira a pé está integrado pola avenida de Bos Aires, ponte das tirantes, a avenida de Bos Aires e toda a fronte fluvial ata a praia. Estas zonas son, por tanto, os mellores lugares para presenciar a proba.
Por outra banda, hai que destacar a presenza en Pontevedra de destacados deportistas, entre os que figuran Marta Jiménez, Bárbara Pena, David Castro, Miguel Acosta, Andrés López, Brais Canosa, Roberto Barral, Diego Paz, Antón Ruanova, Nicolás Domínguez, Paula Dapena, Manuel Cruces e o equipo junior do Galaico.
