Comparte este artículo
Digg
Del.icio.us
Googlize this
Facebook
Exportar a PDF
Imprimir
E-mail
O alcalde de Vigo entrevistouse co presidente do Real Club Celta, Carlos Mouriño, e co director xeral da entidade, Antonio Chaves. Abel Caballero, quen definiu de "moi cordiais e satisfactorias" as reunións periódicas co club, reivindicou a "importancia" de que Vigo conte cun equipo de fútbol na máxima categoría pola proxección que ofrece á cidade en España e, eventualmente, en Europa.
O alcalde enmarcou a entrevista deste venres cos responsables do Real Club Celta de Vigo no diálogo "periódico" que manteñen ambas institucións, e ofreceu "cooperación e apoio" para que a sociedade consiga o obxectivo deportivo de retornar á Primeira División.
Caballero recordou o convenio asinado co Celta o pasado ano, que deu "luz verde" á saída do proceso concursal no que estaba inmerso, e constatou a "gran importancia" que tería contar cun equipo de fútbol na máxima categoría pola presencia nacional e internacional que reportaría á cidade.
