Comparte este artículo Digg Del.icio.us Googlize this Facebook Exportar a PDF Imprimir E-mail

Este martes 23 de agosto, o actor Miro Magariños volverá meterse na pel do Demo e percorrerá as rúas de Pontevedra en busca de novas almas para levar ó inferno, con motivo da XI Festa do Demo. Este evento tradicional da cidade foi recuperado polo Concello once anos atrás logo de extinguirse fai máis de medio século.

A historia remóntase a mediados do século XX en Pontevedra, cando un veciño chamado Dominguiños, coñecedor dunha lenda sobre o Demo e San Bartolomeu (ambos tiñan unha desputa por conseguir máis almas), saía á rúa disfrazado de diaño a véspera de San Bartolomeu, disposto a facer trasnadas.

A xornada comeza ás 12:30 da mañá coa saída do Demo e o seu séquito dos Arcos de San Bartolomeu para percorrer as rúas e prazas do centro histórico. Posteriormente, ás 20:00 horas a comitiva do Demo sairá de novo á rúa para seguir cometendo trasnadas e burlas.

A partires das 21:30 horas dará comezo unha gran verbena, a “Foliada do Demo”, cos seguintes grupos de música tradicional: Atalúns, Zurrumalla e Os Chichisos. O primeiro deles é un grupo experimentado con gaitas, acordeóns, percusión e pandereteiras. O segundo grupo, Zurrumalla, nace coa intención de profundizar no estudo da música tradicional galega e pretende facer de cada actuación unha festa popular. Por último, Os Chichisos xorde da unión dun grupo de amigos con inquedanzas musicais, movidos polo seu interese na conservación e difusión da nosa tradición musical.

A concelleira de Festas e o grupo Os Chichisos presentaron a XI Festa do Demo

A XI Festa do Demo foi presentada este luns no Concello xunto con dous integrantes de Os Chichisos, grupo de música tradicional que actuará na Foliada do Demo. A Festa comezará xa a partir das 12:30 horas de mañá e a Foliada celebrarase ás 21:30 horas na Praza da Pedreira.

Os Chichisos informaron de que como esta Festa naceu a mediados do século pasado, coa Foliada preténdese rememorar as verbenas que se facían nesa época. Deste xeito, o escenario será baixo, acorde co daquel momento, estará decorado con elementos como luces de cores e bandeiriñas e non haberá amplificación de son. Ademais, os músicos irán vestidos ao estilo dos anos 50 e alentan a toda a xente a caracterizarse así.

“Animamos a todo o mundo a participar”, declarou Carme da Silva. Se o tempo acompaña, a Foliada celebrarase na Praza da Pedreira coma tódolos anos pero en caso de choiva trasladarase aos Soportais.

---

• 23/08/2011 09:05 - La tirada de fuegos artificiales cierra las fiestas con un pequeño susto a causa de una carcasa mojada
• 23/08/2011 08:46 - La Banda de Música de Pontevedra ofrece este martes un concierto con motivo de la festividad de San Bartolomé
• 22/08/2011 09:05 - Pontevedra celebra este lunes el "Día del niño" con precios especiales en las atracciones
• 21/08/2011 08:25 - Melendi aglutinó miles de fans del extrarradio en Pontevedra
• 19/08/2011 10:09 - Os DJ´s da Máxima farán mover a Pontevedra a ritmo de dance

---