Comparte este artículo
Digg
Del.icio.us
Googlize this
Facebook
Exportar a PDF
Imprimir
E-mail
A Concellería de Promoción Económica está moi satisfeita dos resultados acadados polo programa de dinamización comercial “Sinte o Nadal”, que pechou as súas portas o pasado día 4. As cifras finais indican que participaron un total de 29.353 persoas (un 15% máis que o ano pasado). Sen embargo, o importe acumulado dos tiques presentados para acceder á carpa-iglú, o tiovivo e o tren turístico descendeu un 18%, e foi de 413.208 euros.
A concelleira, Carlota Román, considera que “Sinte o Nadal” cumpriu co seu principal obxectivo: crear un ambiente lúdico durante a campaña de Nadal e facilitar aos pais e nais unha opción de lecer para os cativos que facilitase e complementase a experiencia de compra no comercio local.
Román engade que o éxito alcanzado por actividades como a carpa multiactividades e o tiovivo confirman o acerto dunha oferta que encaixou perfectamente co espírito do Nadal. Máis modesta foi, en cambio, a repercusión do tren turístico, no que se ofrecía a posibilidade dunha ruta pola cidade con paradas nos principais puntos de actividade comercial. Un total de 3.100 persoas fixeron uso desta opción.
Finalmente, a concelleira está especialmente satisfeita da colaboración privada nesta iniciativa, que tivo á Concellería de Promoción Económica como principal patrocinador. Ademais de expresar o seu agradecemento a todas as empresas e asociacións colaboradoras, destacou que o seu departamento, e moi especialmente a empresa municipal Turismo de Pontevedra, está sempre aberto a fórmulas de colaboración público-privada. A participación dos sectores comercial e turístico, destacou, é unha estratexia recorrente na promoción de Pontevedra.
