Comparte este artículo
Digg
Del.icio.us
Googlize this
Facebook
Exportar a PDF
Imprimir
E-mail
O conselleiro do Medio Rural, Samuel Juárez, foi nomeado este sábado cabaleiro da Orde do Pemento de Herbón, coincidindo coa celebración da festa gastronómica de exaltación deste produto de calidade, amparado pola súa propia Denominación de Orixe.
O acto de entrega desta distinción tivo lugar na carballeira do Convento de Herbón, en Padrón. O titular de Medio Rural agradeceu este nomeamento e salientou o esforzo de produtores de comercializadores do pemento para preservar a súa calidade e reforzar o seu prestixio como un dos produtos máis coñecidos e apreciados do agro galego.
Juárez cualificou como “éxito colectivo” o eco acadado por este produto de calidade, xa que corresponde tanto a produtores e comercializadores como aos veciños da zona de produción e aos galegos en xeral. Neste sentido, salientou a importancia da Denominación de Orixe para preservar a identidade destes pementos e felicitou o esforzo realizado nesta zona de produción.
Defensa da calidadeO titular de Medio Rural reiterou que para a Xunta constitúe unha prioridade a defensa e posta en valor da oferta agroalimentaria galega e moi en particular dos produtos de calidade contrastada e recoñecida, caso dos pementos de Herbón.
Por último, Juárez destacou a importancia da festa do pemento e da propia Orde dos cabaleiros e donas do Pemento como “caixas de resonancia” para divulgar as excelencias deste produto.
Datos da D.O. Pemento de Herbón
Segundo os últimos datos desta Denominación de Orixe, referidos a 2010, contabilízanse un total de 52 produtores, 5 almacenistas/envasadores e unha superficie inscrita que se achega ás 40 hectáreas. A produción total amparada polo Consello Regulador foi de 122.083 quilos.
