Comparte este artículo
Digg
Del.icio.us
Googlize this
Facebook
Exportar a PDF
Imprimir
E-mail
A Guarda horizonte natural é o título do proxecto presentado pola Consellería de Cultura e Turismo a través da Secretaría Xeral para o Turismo para a candidatura de Destino Europeo de Excelencia promovido pola Comisión Europea e que ven de ser elixido como gañador entre os proxectos presentados en España. EDEN é un proxecto que fomenta modelos de desenvolvemento do turismo sostible na Unión Europea e, a través de concursos nacionais, cada ano elíxese un destino turístico de excelencia por cada país participante. Esta coidadosa selección de destinos permite atraer eficazmente a atención cara os valores, a diversidade e as características comúns dos destinos turísticos europeos. |
A finais de setembro terá lugar a cerimonia de entrega de premios en Bruxelas coincidindo cos actos de celebración do Día Mundial do Turismo e de xeito simultáneo celebrarase un encontro cos medios internacionais e unha exposición sobre os destinos gañadores que incluirá a instalación dun stand con material promocional dos Destinos Europeos de Excelencia. Esta busca europea de excelencia no turismo desenvólvese arredor dun tema diferente cada ano, neste 2010 o tema elixido foi o Turismo Acuático e a característica principal dos destinos seleccionados é o seu compromiso coa sostenibilidade social, cultural e medioambiental. Os gañadores do premio son sempre destinos turísticos europeos emerxentes e pouco coñecidos e poden estar situados tanto nos 27 Estados membros como nos países candidatos.
