Comparte este artículo
Digg
Del.icio.us
Googlize this
Facebook
Exportar a PDF
Imprimir
E-mail
A Deputación de Pontevedra aprobará na súa xunta de goberno, a construción dun novo campo de fútbol de herba sintética na parroquia pontevedresa de Marcón. O proxecto suporá un investimento de 498.678 euros, dos cales o 75% serán achegados polo organismo provincial e o 25% restante será sufragado polo Concello de Pontevedra.
A parroquia de Marcón terá un campo de herba artificial de última xeración mediante un convenio que subscribirá a Deputación de Pontevedra co Concello e a Comunidade de Montes. O Campo de Monte Carrasco será totalmente remozado e contará cunha nova superficie, un xogo de porterías de fútbol once, dous xogos de porterías de fútbol sete, un xogo de banderíns de corner, bancos de suplencia e un marcador.A Deputación de Pontevedra conseguiu deste xeito desbloquear un convenio derivado dos problemas existentes entre a Comunidade de Montes e o Concello de Pontevedra, xa que a administración local pontevedresa quería nun principio a cesión dos terreos do campo de fútbol para levar a cabo o investimento. A Comunidade de Montes sinalou que legalmente non era posible.
Finalmente o Concello de Pontevedra accedeu a asinar un convenio a tres bandas que permitirá “o uso público da instalación por parte das distintas asociacións deportivas da parroquia de Marcón, facendo especial fincapé na promoción do fútbol base”.
A Comunidade de Montes será a encargada da conservación e mantemento da infraestrutura deportiva. Así mesmo, segundo recolle o convenio, as instalacións poderán ser utilizadas pola Deputación e polo Concello para a celebración de calquera evento deportivo que poidan organizar, sen interferir nos calendarios deportivos aprobados nin na programación e horarios de uso das instalacións por parte do Marcón e das Escolas deportivas municipais.
Comentarios
http://www.youtube.com/watch?v=DLV6jaZFLro&feature=player_embedded
Suscripción de noticias RSS para comentarios de esta entrada.