O novo presidente da Federación de Asociacións de Nais e de Pais (Fanpa-Pontevedra), Alberto Pita, mantivo este venres o seu primeiro contacto oficial co concelleiro de Educación, Agustín Fernández. 

Agustín Fernández expresou a súa satisfacción pola relación que o Concello vén mantendo historicamente coa Fanpa e os seus sucesivos responsables dende que se sentaron as bases dunha colaboración estable: primeiro con María José Rodríguez e, deseguido, con José Manuel Alvite.

Polo tanto, expresou a Alberto Pita a súa vontade de manter o mesmo ton de entendemento.O concelleiro significou que vanse manter os convenios coa Fanpa para a xestión dos comedores escolares, o plan Madruga, ludotecas e actividades extraescolares. De feito, anunciou que o convenio de comedores escolares, valorado en 189.000 euros, vai ser incrementado con outros 20.000 euros para que a Fanpa xestione tamén as becas de comedor para familias con dificultades económicas.

Fernández anunciou tamén a súa vontade de continuar a investir nos colexios, indo máis alá do deber municipal de conservación e mantemento, aínda que fixando unhas prioridades claras para atender as cuestións máis urxentes. O Concello vai contar cunha partida duns 300.000 ou 350.000 euros anuais. O resto das obras, que son competencia da Xunta de Galicia, serán reclamadas á Administración autonómica, coa que o responsable municipal desexa colaborar dentro do máximo espírito de lealdade institucional.

Ambas partes expresaron o seu máximo compromiso na defensa do ensino público como servizo básico e quedaron en manter novos encontros para ir abordando as cuestións concretas que vaian xurdindo.

• 04/12/2011 09:50 - Rajoy en Pontevedra: "Las cosas no van a ser fáciles, pero tenemos las ideas claras"
• 03/12/2011 08:42 - Negativa do Concello de Vigo á instalación dun parque eólico na serra do Galiñeiro
• 02/12/2011 09:25 - El director saliente de Citroën Vigo dice que la factoría tendrá "un horizonte bien despejado" para 2013
• 01/12/2011 09:40 - El PSdeG pide a la Diputación que "aclare" por qué los "cheques se pasean por los bolsillos" del vicepresidente Figueroa
• 30/11/2011 09:11 - Louzán carga contra Abel Caballero y asegura: "Cada loco con su tema"