Comparte este artículo
Digg
Del.icio.us
Googlize this
Facebook
Exportar a PDF
Imprimir
E-mail
José Manuel Figueroa foi proclamado presidente do PP vigués por aclamación, nun congreso multitudinario ao que non faltaron os principais cargos políticos do partido en Galicia, desde o presidente do PPdeG e xefe do executivo autonómico, Alberto Núñez Feijoo, á gran maioría dos conselleiros, pasando pola vicepresidenta 2ª do congreso, Ana Pastor, o secretario xeral dos populares galegos, Alfonso Rueda, ou os presidentes provinciais do partido en Pontevedra, Rafael Louzán, e na Coruña, Carlos Negreira, así como os alcaldes da área e, incluso, doutras provincias, como José Manuel Rey, alcalde de Ferrol.
Nas numerosas intervencións que se producirosn tras a proclamación de Chema Figueroa como presidente, todos os participantes coincidiron en destacar os anos de entrega do novo presidente ao PP vigués e á defensa de Vigo. Neste sentido, o presidente provincial, que confesou ter “unha conexión case perfecta” con Chema Figueroa, incidiu en que a súa elección como presidente “é un acto de xustiza”, a “recompensa merecida” á “constancia, dedicación e entrega” dunha persoa que cualificou de “transparente”, “humilde” e “xenerosa”.
Calificativos todos eles nos que tamén incidiron o secretario xeral dos populares galegos, Alfonso Rueda; o presidente da Xunta, Alberto Núñez Feijoo; Javier Guerra –conselleiros de Industria- e Ana Pastor.
E se o case cuarto de século que Chema Figueroa dedicou ao PP vigués foron unha constante no discurso de todos os participantes, non o foi menos a chamada á implicación e ao traballo intenso de todos para conseguir que o 20 de novembro se convirta nunha data histórica” para Galicia, Vigo e Pontevedra.
