Comparte este artículo
Digg
Del.icio.us
Googlize this
Facebook
Exportar a PDF
Imprimir
E-mail
O Ateneo de Pontevedra organiza unha mesa redonda para a Análise dos resultados das Eleccións Xerais en colaboración co Colexio de Politólogos/as e Sociólogos/as de Galicia. O acto, convertido xa nun referente na cidade de Pontevedra, reúne a expertos nas áreas da Ciencia Política, Socioloxía e Demoscopia. Celébrase este xoves 24 de novembro, ás 20 horas, no Salón de Actos do Sexto Edificio do Museo de Pontevedra (rúa Padre Amoedo Carballo, 3). O acto conta coa colaboración da Deputación e o Museo de Pontevedra.
Nesta ocasión o cadro de relatores está formado por José Manuel Rivera Otero (profesor titular de Ciencia Política da USC), María Pereiro López (investigadora na Facultade de Ciencias Políticas da USC) e Luís Álvarez Pousa (profesor na Facultade de Ciencias da Comunicación da USC e director da revista Tempos Novos). Como vén sendo habitual, moderará a mesa redonda Xosé Luís Barreiro Rivas (profesor titular de Ciencia Política na USC e director do Departamento de Ciencia Política e da Administración na USC).
