Segundo ano máis seco do último medio século

2011 é o segundo ano máis seco na historia da serie rexional considerada, cunha anomalía un 32% inferior al valor normal. Ademais os catro anos máis secos desta serie acadáronse no que vai do século XXI, sendo o 2007 o máis seco do último medio século.

O Índice de Precipitación Estandarizada (SPI) reflicte o grao de seca dun territorio e permite fixar o comezo e fin dun episodio de seca, así como a súa intensidade. O SPI calculado a partires dos datos de chuvia acumulados en 12 meses confirma que Galicia está nun episodio de seca dende mediados do ano 2011 como consecuencia da escaseza de precipitacións na primavera. A seca afondouse dende o mes de novembro, e xa o valor do SPI-12 do mes de xaneiro indica que estamos nun episodio extremadamente seco. Isto é así para toda Galicia sendo menos acusado na provincia de Ourense e máis acusado na provincia de A Coruña.

Previsións para primavera

Os modelos de predición estacional, tanto da axencia estadounidense (NOAA) así como a MetOffice británica, indican unha maior probabilidade de que as precipitacións en primavera sexan normais o por debaixo do normal, aínda que dende MeteoGalicia avisan de que hai que ter en conta que este tipo de predicións han de ser tomadas con reserva.

• 19/02/2012 05:06 - Un total de 7 helicópteros e 4 avións comezaron esta semana o seu traballo de cara á campaña de loita contra o lume forestal
• 19/02/2012 05:03 - O pobo xitano demanda un trato neutral nos medios de comunicación
• 19/02/2012 03:13 - Ábrese un programa de formación e emprego para mozos menores de 30 anos con baixa cualificación
• 18/02/2012 12:32 - Balneario urbano a prezo reducido para maiores de 60 anos co programa Aquactiva
• 17/02/2012 10:08 - Os cans da Policía Nacional amosan as súas destrezas nun curso en Mos (Pontevedra)