Comparte este artículo
Digg
Del.icio.us
Googlize this
Facebook
Exportar a PDF
Imprimir
E-mail
O alcalde de Vigo, Abel Caballero, anunciou que a entrada en VigoZoo será gratuita ata o próximo mércores inclusive para os visitantes e levará por distintos puntos da cidade unha mostra fotográfica sobre o recinto de A Madroa.
VigoZoo celebra en 2011 o seu 40 aniversario, polo que o Concello de Vigo anunciou esta semana de portas abertas -que comeza hoxe mesmo- e a organización dunha mostra fotográfica sobre o pasado e o presente dos animais do recinto vigués, exposición que será itinerante e estará presente en Príncipe, Samil ou O Vao: "queremos que a cidade e todo o entorno coñeza ben o que hai aquí", apuntou o rexedor.Varios vehículos do transporte urbano de Vigo que percorren a liña C3 portarán unha mostra fotográfica do parque vigués, que este ano agarda a visita de 120.000 persoas. O organismo autónomo dependente da Concellería de Medioambiente organiza este verán varios campamentos para rapaces.
O primeiro edil asegurou que "é un pracer visitar o zoo de Vigo", no que o goberno local investiu case un millón de euros en melloras nos últimos anos, entre os que subliñou o nocturama, o recinto dos lobos -cunha partida de 200.000 euros- e unha nova instalación que será aberta ao público próximamente. Caballero apuntou que o obxectivo do Concello é contar cun parque "modélico e exemplar".
